På radiobølgjer til Texas

Som kanskje nokre i Øygarden kjenner til er soknepresten vår engasjert i radioprosjektet Northern Star som ønskjer å byggja ein stor radiostasjon for Nord-Europa.

Av Odd N. Thormodsæter

Då visitasen i september var unnagjort, pakka soknepresten kofferten (utan prestekjolen) og sette kursen for Dallas i Texas.

-Kvifor tok du denne turen, Svenn?

Eg var invitert til å ta del på ein radiokonferanse på Hilton Anatole Hotel i regi av NAB (National Association of Broadcasters i USA). Her fekk eg med meg interessante foredrag, ei stor utstilling om framtidas radio og møte med radiobransjefolk frå heile verda.

Eg var og gjest på radioshowet ”Moby in the Morning” som går på radiostasjonar i 5 statar, m.a. den lokale KFXR ”Cowboy 11-90” som hadde ute-studio på konferansen.

Hovudformålet med besøket i Texas var møte med eit stort mediekonsern.

Så kven veit – kanskje møter vi i framtida soknepresten som ”president” i ein ny radiostasjon??

Svenn kan opplysa om at det er ein stor revolusjon på gang når det gjeld digital radio på AM-banda. Dette vil føra til FM-kvalitet på både LB, MB og KB. Systemet kjem truleg óg på FM, og vil der føre til CD-kvalitet.

Siste året har Svenn vore med i ein statleg komite som utgreier digitalsendingar på AM-banda i Noreg: ”Nytt liv for lågfrekvent kringkasting”.

Texas-cowboy Svenn