Biskop
Per Juvkam har gått bort.

Den 24.02.2003 fekk me meldinga om at Biskop
Per Juvkam har gått bort. Juvkam var biskop i Bjørgvin frå 1961 til 1977. Han vart 95 år gamal.

Vi i Øygarden prestegjeld vil gjerne få takka for trufast teneste på Bjørgvin bispestol for prestegjelda Herdla og Øygarden. Vi veit at biskop Juvkam følgde med i korleis det gjekk i vårt prestegjeld, kor han og vigsla Hjelme nye kyrkje.

Sjølv vil eg gjerne takka for at han var ein interessert tilhøyrar fleire gonger, både som ung i Fana prestegjeld, i samband med Ungdomsting Landås/Slettebakken 1969 og 1971, på bispekontoret, i bispebustaden, på MF, og seinare i tenesta.

Alt hugsar vi og eg med glede, men mest det gode og sterke foredraget i 1971 om kyrkja, vitnemålet hans i dåpsdebatten nokre år seinare, og arbeidet hans om reformrørsla som eg fekk lov til å studere i samband med eit studieprosjekt 1994.

På 90-talet utarbeidde han ei ny utgåve av En liten bønnebok frå tilllegget til Landstads reviderte Salmebok.

Per Juvkam representerte og noko av det betre stoffet i Reformrørsla, og hadde på 70-talet mange visjonar for kva Den norske kyrkja kunne verta: "Når det tek fyr i sokneråda, - då...!"

Sokneprest Olav Fjose, som var presten vår i mykje av Fanatida mi, fortalde meg ein gong om at Biskop Ragnvald Indrebø på visitas i Årdal før bispevalet spurde han om kven han skulle satsa på som sin etterfølgjar.

”Jo, det skal eg seia deg,” sa Fjose, ”residerande kapellan Per Juvkam i Sinsen!”.

Og slik vart det. Og bra var det.

Velsigna vere Biskop Per Juvkams gode minne!

Svenn Martinsen

k.sokneprest

Biskop Per Juvkam ved grunnsteinsnedleggjinga, Søreide Kyrkje, 1972.

Ukjend fotograf.