Øygarden sokneprestembete under Midhordland prosti i Bjørgvin bispedømme

Øygarden prestegjeld har samme grense som Øygarden kommune, ligg om lag 5 mil nordvest for Bergen og grensar mot Fjell i sør og mot Fedje i nord.

Folketalet er om lag 2 750 og viser tendens til auke.

Øygarden er ein øykommune der dei større øyane er samanbunde med bruer og har god vegstandard. Kommunen har på noverande tidspunkt westamaransamband med Bergen. Kommunen har fastlandssamband frå april i år (1986), og no er berre ein mindre skulekrins utan fast landssamband.

Øygarden prestegjeld har ein prest og to sokn med 3 kyrkjer. To av kyrkjene er i vanleg bruk medan den tredje berre er i bruk 17. mai og Olsok, ettersom det i dette soknet er bygd ny kyrkje i 1971.

Blomvåg kyrkje er frå 1930 med 230 sitjeplasser. Hjelme kyrkje er frå 1971 med 220 sitjeplasser. Hjelme gamle kyrkje er frå 1875.

Kyrkjene har gudsteneste om lag annankvar søndag med tillegg av ein del ettermiddags/kveldsgudstenester. Kyrkjesøknaden er relativt god. Det er også

gudstenester i bedehus ved einskilde høve. Nynorsk liturgi og Norsk salmebok vert nytta. Det er 15 bedehus i prestegjeldet.

I Øygarden er det ein aldersheim og ein sjukeheim. Kommunen har to kombinerte barne- og ungdomsskular og tre barneskular. Prestegjeldet har ein leirskule/leirstad som er eigd og driven av sokneråda og indremisjonen.

Konfirmantførebuinga fylgjer skuleåret og held til i skulane etter skuletid. Det er årleg om lag 50-60 konfirmantar som soknepresten underviser for.

Kommunen har prestebustad bygd i 1968, som ligg nær Blomvåg kyrkje. Bustaden har grunnflate på 210 m2, + utrom og garasje. Alt er på eit plan. Den har to stover, fem soverom, kjøken, vaskerom; bad og to toalett. Den har og prestekontor med eigen inngang og toalett. Bustaden vert varma opp ved olje og elektrisitet.

I kvart sokn er det tilsett kyrkjetenar/graver i full stilling. Sokneråda har tilsett kyrkjelydsekretær i full stilling og organist i full stilling.

Det vert for tida arbeidd med å få tilsett anleggsprest i samband med oljeilandføringa på Sture. Slik stilling er under ut lysing.

Soknepresten får kilometergodtgjersle for all tenestekøyring.

Lønnsteg 20-26. Pensjoninnskott. Til løna kjem særlege godtgjersler i samsvar med lønnsregulativet. Sjå elles kunngjering i Norsk Lysingsblad. Søknader må vera komme inn til Kyrkjedepartementet seinast innan 25. juli 1986.